漕泾闲话词句选粹（十二）

□ 载自《漕泾闲话》

烂泥壁脚扶勿起——比喻没出息、没能力的人，别人扶助他也不顶事

◇ 周不山实在是烂泥壁脚扶勿起，哪怕师傅再认真教，佮伊就是连一只小凳子也做无勿成功。

说嘴郎中呒好药——比喻夸夸其谈的人大多没有真本事

◇ 赤脚医生丘冬，讲闲话一大套，则是说嘴郎中呒好药，一眼也看勿来毛病。

铜钿眼里扦滚顿——意谓贪财的人专在钱上打注意

◇ 钱小二真是铜钿眼里扦滚顿，帮娘舅屋里厢做了一日小工也要收工钿。

新箍马桶三日香——比喻对新鲜的事物只有几天的兴趣

◇ 顾根生新买了一把二胡，拉了一个号头就丢拉一边了。爷老头子对佮伊讲：“什奴是新箍马桶三日香。”

矮子肚里疙瘩多——嘲讽个子矮小而工于心计的人

◇ 小六子人矮小，坏计谋多，挖空心思想得出问题。场长嘲讽佮伊：矮子肚里疙瘩多。

面东人看面西人——形容双方处一种尴尬场面

◇ 包家小夫妻两家头闹矛盾，老清早面东人看面西人大家勿响，屋里厢冷清廓气。

头割下来当夜壶——形容两人间交情极好

◇ 王东与王西两家头交情好得来勿用谈，平常像搿着裤子一样，头割下来当夜壶也肯。

马乓子看得出雌雄——形容极端精明

◇ 吴伯伯马乓子看得出雌雄，什奴勿要勒拉佮伊面前瞎吹了，快一眼有质有量去做好佮桩事体吧。

一个栗子顶一个壳——比喻各人有各人的职守，无力兼顾他人

◇ 一个栗子顶一个壳，每个人有一个岗位，车间里厢抽勿出人去支援其他部门。

馋唾水落地收勿起——意谓说话要谨慎

◇ 重要场合说话一定要谨慎，馋唾水落地收勿起，一个字也推板勿得。

鳑鲏鱼留三分肚肠——意谓凡事应留有一定的余地

◇ 路水云平常讲闲话做事体总是十分小心谨慎，留有余地。佮伊勿忘记一句闲话：鳑鲏鱼留三分肚肠。

黄篮头包扎搭勿进——形容送再多礼品也白搭

◇ 杜西伲态度恶劣又呒没技术，呒没工作单位要佮伊，黄篮头包扎搭勿进。

上洋头放屁自适意——形容只顾自己舒服，不顾他人遭罪

◇ 村东头有爿化肥厂，上洋头放屁自适意，常桩放臭气，村民们叫苦连天。

羊肉吃勿着拉包臊——形容参与做事无收益，却脱离不了干系

◇ 王小狗跟着别人去偷狗，羊肉吃勿着拉包臊，狗偷勿着，却被人家打了一顿。

马鲛鱼嘴硬骨头酥——形容嘴巴硬，实力不够

◇ 王小怜说要见义勇为，而真见事他却勿敢上，十足是马鲛鱼嘴硬骨头酥。

虾有虾路，蟹有蟹路——比喻各人有各人的路

◇ 做生意虾有虾路，蟹有蟹路，阿七阿八各有办法，各有路道，同样赚了交关钞票。

七支八搭，蒲鞋着袜——意谓做事不能瞎弄弄

◇ 阿猫囡讲闲话做事体常桩七支八搭，蒲鞋着袜，佮拉爷老头子恨得来勿收场。

（未完待续）